Xunta de Galicia

Aguamarina colaborou na inauguración da quinta oficina dos polos de emprendemento en Galicia, celebrada no Centro de Innovación e Servicios da Tecnoloxía e o Deseño en Ferrol, que prestará asesoramento a 40 concellos das comarcas da contorna

O acto, celebrado o 28 de decembro, contou coa presenza de tres emprendedoras beneficiarias deste novo polo de emprendemento, que falaron sobre as súas ideas de negocio: Raíces de agua, Suidade Diseño Gallego e Great memories events. A presentadora, María Cheda, foi a encargada de conducir o evento, e tras as entrevistas, deu paso á conselleira de Promoción e Emprego e Igualdade da Xunta. Para clausurar o acto, María Jesús Lorenzana explicou como se adecúan as etapas do proceso ás particularidades de cada proxecto na rede de polos, co obxectivo de que a busca de emprego se adecúe á realidade demográfica e social de Galicia. Esta rede forma parte da nova estratexia de emprego da Xunta, Xempre Contigo, para apostar por un mercado laboral más interconectado.

A conselleira tamén destacou o feito de que a metade das persoas que participan nesta iniciativa autonómica son mulleres, poñendo en valor o talento feminino que hai na actualidade en Galicia.

Aguamarina colaborou no acto de inauguración do polo de emprendemento e apoio ao emprego da Costa da Morte posto en marcha pola Xunta de Galicia no Centro de Promoción Rual – EFA Fonteboa o 7 de outubro de 2022.

Ao acto, conducido polo xornalista Fran Rodríguez, asistiron un centenar de persoas, e varios emprendedores galegos contaron a súa experiencia no rural e as diferentes etapas polas que pasou o seu negocio. Tamén interviñeron o alcalde de Coristanco, Juan Carlos García, e a conselleira de Promoción do Emprego e Igualdade, María Jesús Lorenzana, que clausurou o evento.

Aguamarina colaborou na organización do evento Avanza con elas, o acto central da Xunta de Galicia con motivo do Día Internacional da Muller, que se celebrou o 8 de marzo de 2022 na Cidade da Cultura de Santiago de Compostela.

Durante o acto, conducido pola xornalista Ana Celia Vázquez, participaron varios grupos de mulleres de diferentes xeracións que falaron sobre os cambios e similitudes das diferentes épocas con respecto á igualdade e ao papel das mulleres na sociedade. En concreto, interviron unha familia de palillerias de Camariñas —María Sara Mouzo, Dolores Lema e Ana Blanco—, unha familia de bodegueiras de Ourense —Plácida Vázquez, Myriam Vázquez e Matilda Nieves— e unha familia ligada á musica de Mos —Fita Senlle, Uxía e Nuria Freiría—.

O evento clausurouno o presidente da Xunta de Galicia, Alberto Núñez Feijóo, e no seu transcurso tamén houbo varias actuacións musicais protagonizadas polo grupo Son Trío, composto por Su Garrido —voz—, Katerina Linke —piano— e Susanna Blanco —violonchelo—.

Aguamarina colaborou na organización do acto do XXV aniversario do Programa Emega da Consellería de Emprego e Igualdade, que se celebrou o 19 de novembro de 2021 no salón Arao de Palexco

O acto conmemorou o XXV aniversario do Programa Emega de emprendemento feminino da Consellería de Emprego e Igualdade da Xunta de Galicia. No seu transcurso interviron a conselleira de Emprego e Igualdade, María Jesús Lorenzana Somoza e a exconselleira de Familia, Muller e Xuventude, Manuela López Besteiro, que abriron o acto, e o presidente da Xunta de Galicia, Alberto Núñez Feijóo, que clausurarou a xornada a través dun vídeo.

Durante o evento tamén deron a súa testemuña oito mulleres que se beneficiarion desta iniciativa ao longo do seu cuarto de século de vida. Elena Ferro, de Eferro -que se dedica á fabricación de zocos e marroquinería de forma artesanal- e Natalia Silva, de Blue Silk -que comercializa produtos cosméticos termais a partir de augas minero-medicinais- fixérono a través de senllos vídeos nos que abordan a evolución do seu negocio. Tamén se celebrouse unha mesa redonda sobre os retos de emprender sendo muller, na que participaron Ana Álvarez, do centro de rehabilitación Córtex; Aurora García-Boente, responsable de El Centro Habitado de benestar integral; Cristina Gil, fundadora de Milbrait Asesores, unha consultora especializada en intelixencia artificial, e Diana Lameiro, do centro de logopedia e psicoloxía Lingoreta. Finalmente, outras dúas das beneficiarias do Programa Emega compartiron a súa experiencia mediante charlas: Iria Otero, viticultora que elabora Viños con Memoria en Leiro, e Ángeles González, de Shiitake Trives, que produce setas shiitake ecolóxicas desde A Pobra de Trives.

No acto, que foi conducido polos xornalistas Irene Lourido e Eduardo Herrero, tamén se mesturou a música, o baile e o humor, coas actuacións da cantante Carolina Rubirosa, o grupo de danza Druida e a monologuista e actriz Jazmín Abuín.

O Programa Emega púxose en marcha en 1996 co obxectivo de apoiar a igualdade de oportunidades e o empoderamento económico e social das mulleres a través do desenvolvemento do seu propio proxecto empresarial e, só desde 2009, a Xunta leva investidos preto de once millóns de euros no programa, que serviron para desenvolver 900 proxectos empresariais e crear case 1.500 postos de traballo femininos. En 2020, apoiáronse 197 iniciativas emprendedoras -o que supón un máximo histórico- e creáronse ou mantivéronse 323 postos de traballo. Este 2021, as cifras incrementaranse, cunha convocatoria que está dotada de 3,2 millóns de euros, un 54% máis que o ano anterior.